Hildur Sverrisdóttir hefur beðist lausnar sem borgarfulltrúi Sjálfstæðisflokksins í Reykjavík. Hildur var varaþingmaður Sjálfstæðisflokksins, en vegna sorglegs fráfalls Ólafar Nordal er hún orðin þingmaður. Marta Guðjónsdóttir tekur við af Hildi í borgarstjórn þegar lausnarbeiðni hennar verður tekin fyrir 7. mars næstkomandi. Fram að því hyggst Hildur koma útistandandi málum í góðan farveg:

Ég mun halda áfram að vinna fyrir Reyk­vík­inga í störfum mínum á Alþingi eins og við á. Ég þakka gott sam­starf við borg­ar­full­trúa og emb­ætt­is­menn borg­ar­innar und­an­farin ár,

segir Hildur. Þegar Hildur hættir formlega verða tveir þingmenn einnig fulltrúar í sveitarstjórn, en Theo­dóra S. Þor­steins­dótt­ir þing­maður Bjartrar fram­tíð­ar er einnig bæjarfulltrúi í Kópavogi og Bryn­dís Har­alds­dótt­ir þing­maður Sjálf­stæð­is­flokks­ins er einnig bæjarfulltrúi í Mosfellsbæ.