Það er eins og himinn og jörð séu að farast vegna þess að Guðmundur Steingrímsson gekk úr Framsóknarflokknum.

Haturs- og reiðigusurnar ganga yfir Guðmund á bloggsíðum svo slettist í allar áttir. Eins og himinn og jörð séu að farast.

Nú má reyndar vel vera að Guðmundur hefði aldrei átt að ganga í Framsóknarflokkinn, að það hafi verið örlagamisskilningur.

Hann er altént langt frá þeim ungmennafélagsanda sem einkennir flokkinn nú. Og í raun er hann nokkuð langt frá föður sínum – sem var á móti bæði ESB og ESS.

Um Steingrím var sagt í litlu bréfkorni sem mér barst í morgun:

„Steingrimur talaði alla tíð til vinstri og brosti til hægri og var andsnúinn alþjóðahyggju og ESB.“