Ég fletti Mogganum í fljótheitum á kaffihúsi í morgun og las að ólíkt íslenskum stjórnvöldum hefði ríkisstjórn Davids Cameron í Bretlandi áætlun.

Það var talað um að þetta væri til eftirbreytini.

Áætlun Camerons felst aðallega í því að skera niður ríkisútgjöld, ekki síst til velferðarmála, hækka skatta að einhverju leyti, hækka skólagjöld, hlífa fjármálaöflunum í City auk þess sem hann boðar eitthvað sam kallast The Big Society.

Kjarninn í því er að alls konar þjónusta í samfélaginu skuli vera á grunni sjálfboðavinnu. Þannig verður fólk sem hefur unnið ýmis störf fyrir kaup, oft mjög lágt reyndar, óþarft. Í stað kemur fólk sem hefur efni á því að gefa vinnuframlag sitt. Hinn hlutinn felst í því að hvetja ríkt fólk til að gefa meira til góðgerðastarfsemi.

Það er talað um að þegar hafi þessi hugmynd fengið svo litlar undirtektir að það megi telja hana svo gott sem dauða.