Bjarni Benediktssyni þótti takast vel að flytja tilfinningaþrungna ræðu við setningu landsfundar Sjálfstæðisflokksins.

Líklega verður hann endurkjörinn formaður – það eina sem gæti komið í veg fyrir það er að Sjálfstæðismenn meti það sem svo að Hanna Birna sé líklegri til að afla flokknum fylgis. Skoðanakannanir benda til þess.

Fyrir nokkrum árum á landsfundi var lögð fram endurreisnarskýrsla þar sem talað var um að fólkið hefði brugðist en ekki stefnan.

Nú er kominn nokkuð annað hljóð í strokkinn, því Bjarni lagði sérstaka lykkju á leið sinni til að gefa forverum sínum á formannsstóli – helstu leiðtogum þjóðarinnar á árunum fyrir hrun – sérstakt heilbrigðisvottorð.

Má kannski ráða af því að fortíðin teljist ekki lengur vandamál í flokknum.