Það er rétt sem Jónas Kristjánsson segir, það sem er að koma frá Sjálfstæðisflokknum um fjárstyrki til flokksins er ekki fullnægjandi.

Fullt af styrktaraðilum vilja ekki að nöfn fyrirtækja þeirra komi fram, í suma náðist einfaldlega ekki. Almennt er ekki erfitt að ná í fólk á Íslandi. Það vantar nöfn 150 lögaðila á þennan lista – það sést hversu þetta kerfi fjárframlaga til flokksins hefur verið víðtækt.

Það vantar líka „samstæðureikninginn“, styrktarfjárhæðirnar sem eru gefnar upp eru einungis þær sem hafa runnið í gegnum aðalskrifstofuna í Reykjavík, ekki til mikils fjölda flokksfélaga um allt land.

Upphæðirnar gætu semsagt verið miklu hærri það sem flokksskrifstofan birti í gær, 44 milljónirnar frá Landsbankanum, 30 milljónirnar frá FL-Group, 11,2 milljónirnar frá Samherja, 10 milljónirnar frá Ístaki og þar fram eftir götunum.