Hinn merki eldfjallafræðingur Haraldur Sigurðsson, sem lengi starfaði á erlendri grund og rannsakaði meðal annars Vesúvíus, og ummerki eldgosa í Karíbahafi og Indónesíu, heldur úti bloggi þar sem hann tekur saman fróðleik um ýmsa hluti. Í nýrri færslu segir hann frá William H. Seward, utanríkisráðherra á tíma Lincolns forseta, sem stjórnaði því að Bandaríkin keyptu Alaska af Rússum og Jómfrúreyjar í Karíbahafi af Dönum – sem þóttu miklir þrælapískarar – og var með hugmyndir um að fala einnig Grænland og Ísland til kaups.
Eins og Haraldur bendir á þá hefðu Bandaríkjamenn náð hér ítökum mun fyrr en raunin varð í seinni heimstyrjöld.
