Nóbelsverðlaunahagfræðingurinn Paul Krugman skrifar í New York Times og segir að evran sé afsprengi hroka valdastéttarinnar í Evrópu. Evrópusamandið hafi ekki verið reiðubúið fyrir sameiginlega mynt, eins og vandamálin í Grikklandi og Spáni sýni. Það sé ekki einungis hægt að kenna óábyrgri efnahagsstjórn í Grikklandi þar beinlínis var beitt fölsunum til að fegra þjóðarbúskapinn, því Spánverjar hafi farið þveröfuga leið, ríkisfjármálin þar hafi verið í góðu lagi og bankakerfið undir ströngu eftirliti.
Hins vegar hafi myndast húsnæðisbóla á Spáni með tilheyrandi þenslu. Það sé mjög erfitt að vinda ofan af henni með evrunni. Hins vegar telur Krugman að það sé ekki hægt að snúa aftur. Hann tekur undir með hagfræðingi sem hefur sagt að það yrði „móðir allra efnahagskreppa“ ef reynt yrði að taka aftur upp þjóðargjaldmiðla á evrusvæðinu.
