Í rannsóknarskýrslu Alþingis er því lýst hvernig eigendur bankanna og stjórnendur rændu þá innan frá. Þeir lifðu samkvæmt mottóinu að besta aðferðin til að ræna banka sé að eiga hann. Sérstakur saksóknari er að vinda ofan af þessum svikavef – það er búið að yfirheyra Kaupþingsmenn og Glitnismenn og úr þessum bönkum hafa borist ýmsar upplýsingar. Úr Landsbankanum fréttist hins vegar lítið.

En þetta mun sjálfsagt taka sinn tima.

Á meðan les maður svona skringifréttir eins og um skýrslu sem Björgólfur Thor hefur látið taka saman um hvaða fjölmiðlar fjalli mest um hvaða útrásarvíking. Kemur varla á óvart að Mogginn fjallar mest um Jón Ásgeir en Fréttablaðið fjallar minnst um hann og Pálma Haraldsson.

Kemur svosem engum á óvart.

Þetta er á tímabilinu frá því í mars til september á þessu ári.

Hvað varðar Björgólf Thor er reyndar spurning hvað skal lesa út úr þessu. Það er mikið um hann fjallað, en í því sambandi má minna á að á þessum tima hóf hann mikla áróðursherferð til að reyna að telja fólki trú um að hann ætlaði að borga allar skuldir sínar.