Meðal efnis í Kiljunni í kvöld er viðtal við bandaríska rithöfundinn og baráttukonuna Alice Walker. Hún er frægust fyrir skáldsögu sína The Color Purple. Walker dvaldi hér á landi um helgina til að taka við verðlaunum úr Lennon/Ono friðarsjóðnum.

Alice Walker er fædd í Georgíu í Bandaríkjunum 1944. Foreldrar hennar voru snauðir landbúnaðarverkamenn sem tíndu bómull upp hlut. Henni tókst að brjótast til mennta, var ung stúlka þegar hún tók þátt í hinni fræknu mannréttindabaráttu blökkufólks í Suðurríkjunum, Walker er yfirlýstur femínisti og fer víða um heim til að tala máli undirokaðs fólks, til dæmis í Palestínu, Kongó og Burma.

Árni Þórarinsson segir frá nýrri spennusögu eftir sig sem kemur út í dag. Bókin nefnist Morgunengill.

Vilborg Dagbjartsdóttir flytur ljóð úr nýrri bók sinni sem nefnist Síðdegi.

Við fáum að heyra hverjar eru uppáhaldsbækur Þórarins Þórarinssonar blaðamanns.

Páll Baldvin og Kolbrún ræða um bækurnar Þú sem ert á himnum eftir Úlfar Þormóðsson, Ertu Guð, afi? eftir Þorgrím Þráinsson og nýútkomna spennusögu eftir franska höfundinn Fred Vargas

En Bragi talar um séra Friðrik og rifjar upp minningar frá dvöl í Vatnaskógi.