Gunnar Tómasson hagfræðingur sendir þessar línur:

— — —

Skuldavandi heimilanna krefst skilvirkra aðgerða stjórnvalda.

Í október 2008 brugðust stjórnvöld við skjótt og tryggðu allar innstæður í bankakerfinu að fullu.

Án tillits til þess hvernig þær voru til komnar.

Sparifé almennra borgara var þannig  lagt að jöfnu við „sparifé” fjárglæframanna.

Nú er ljóst að rausn stjórnvalda í garð innstæðueigenda í október 2008 var misráðin.

Eignarréttarákvæði Stjórnarskrár Íslands stendur ekki í vegi fyrir skattlagningu eigna í almannaþágu.

Því má leysa skuldavanda íslenzkra heimila með einu pennastriki.

Ég geri það að tillögu minni að hækkun höfuðstóls allra verðtryggðra og gengisbundinna lána eftir t.d. mitt ár 2008 verði látin ganga til baka.

Og innstæður umfram ákveðið hámark – t.d. 10 milljónir – verði skattlagðar til að bæta lánveitendum eignaskerðingu þeirra.

Virðingarfyllst,

Gunnar Tómasson, hagfræðingur