Maður veltir fyrir sér hvort ríkisstjórnin sé ekki á síðustu metrunum. Hver þingmaður Vinstri grænna á fætur öðrum stígur fram og segist ekki styðja stjórnina nema Magma-samningarnir verði ógiltir?

En það er svolítið seint í rassinn gripið, eins og Grímur Atlason skrifar á bloggi sínu.

Nokkrir þingmenn Vinstri grænna heimta að aðildarviðræðum við Evópusambandið verði slitið, framundan er líklega ný lota í Icesave – og í haust þarf koma í gegnum þingið fjárlögum með hressilegum niðurskurði.

Eru einhverjar líkur á að ríkisstjórnin lifi þetta af?

Það eina sem virðist halda henni á floti þessa dagana er hvað það yrði mikið áfall fyrir vinstri flokkana að geta ekki hangið saman í ríkisstjórn – það er tækifæri sem kemur varla aftur í bráð – og svo hitt að það virðast eiginlega ekki vera neinir valkostir.

Nema þá hugsanlega einhvers konar þjóðstjórn – eða kosningar?