Þegar verð á bensíni hækkar upp úr öllu valdi og jafnvel er hótað að hækka það ennþá meira, rennur upp fyrir okkur hvað hið ruglaða skipulag síðustu ártuga er skaðlegt.

Þetta keyrði endanlega úr hömlu í góðærinu þegar sveitarfélag kepptust við að hrúga upp nýjum hverfum. Margir tala um dugnað og framkvæmdasemi í þessu sambandi, en staðreyndin er sú að þetta var auðvelda leiðin  – það hefði verið miklu meira krefjandi að reyna að skipuleggja byggðini með sjálfbærni og hagkvæmari samgöngur í huga.

Eins og Gísli Marteinn Baldursson benti á í viðtali í Silfrinu fyrir stuttu er bifreiðanotkunin í Reykjavík ótrúlega mikil, og kostnaður fólks við ferðir fer sífellt hækkandi. Þar er kostnaðarliður sem þyrfti að lækka verulega.

En það mun taka langan tíma að laga skaðann sem vont skipulag og skammsýnir stjórnendur hafa valdið.