Grikkir eiga í kreppu vegna afleitrar stöðu ríkissjóðs og aðkallandi niðurskurðar í ríkiskerfinu.. Að sumu leyti geta þeir sjálfum sér um kennt. Þeir hafa kosið yfir sig lélega stjórnmálamenn – og ekki hjálpar til tregða Grikkja við að standa skil á sköttum.

Þótt ég sé Grikklandsvinur hef ég ekki sérstaka samúð með þarlendum sem fara út á götur og slást við lögregluna.

Hér á Íslandi voru dálítil mótmæli fyrir ári. Síðan hafa þau verið mjög í rólegri kantinum.

Samt eigum við í miklu margháttaðri kreppu en Grikkir.

Niðurskurðurinn sem hér þarf að ráðst í er engu minni en í Grikklandi. En hér á landi stríðum við líka við gjaldmiðilskreppu, bankakreppu og skuldakreppu hjá heimilunum.