Í Kiljunni í kvöld fjöllum við um bókamarkaðinn árlega í Perlunni. Hann hefur aldrei verið betur sóttur en nú. Við Kolbrún og Páll fórum á markaðinn og völdum okkur stafla af bókum sem við töum um í þættinum.
Guðmundur Oddur, prófessor við Listaháskólann, ræðir bækur sem hafa komið út á síðustu mánuðum og fjalla um myndlist með einhverjum hætti. Það eru til dæmis bækur um Svavar Guðnason, Ásgerði Búadóttur, Manfreð Vilhjálmsson, Kristin E. Hrafnsson, Pál Guðmundsson á Húsafelli, hin stóra úrvalsbók um íslenska nútímalist og sýnisbók um íslenska hönnun.
Sarah Moss er breskur rithöfundur sem hefur dvalið á Íslandi undanfarið ár. Hún er höfundur spennusögu sem nefnist Cold Earth og gerist á Grænlandi. Í bókinni veltir hún meðal annars fyrir sér dularfullum örlögum norrænna manna þar. Sarah er einnig sérfróð um mat í bókmenntum og hefur til dæmis skrifað bók um súkkulaði.
Bragi fer um víðan völl og nefnir meðal annars Ólaf Elíasson myndlistarmann, lítt þekktan myndhöggvara sem hét Guðmundur Elíasson, Thor Vilhjálmsson og Gísla Sigurbjörnsson.
