Roman Polanski fékk leikstjóraverðlaunin á kvikmyndahátíðinni í Berlín fyrir spennumyndina Ghost Writer. Hún er byggð á skáldsögunni Ghost eftir Robert Harris, einn helsta spennusagnahöfund sem nú er uppi. Sögur Harris hafa yfirleitt einhverja pólitíska eða sögulega vídd, það fer ekki á milli mála að önnur aðalsögupersónan í Ghost er byggð á Tony Blair.
Harris sló fyrst í gegn með sögunni Vaterland, en þar ímyndar hann sér að nasistar séu enn við völd í Evrópu árið 1963. Hann hefur einnig skrifað sögur sem gerast í Rómaveldi hinu forna og fjalla um endalok Pompei og mælskusnillinginn Cicero.
Hann er líka vinsæll dálkahöfundur og pólitískur skýrandi, og skrifar yfirleitt í Sunday Times. Fyrir nokkru skrifaði hann þar ritdóm um Meltdown Iceland eftir Robert Harris. Dómurinn vakti nokkrar deilur en meðal þess sem Harris sagði í honum var að Ísland hefði verið fáránlega illa rekið síðustu áratugina:
“It is hard to think of a European country more incompetently run in the past 20 years than Iceland.”
Pierce Brosnan í Ghost Writer
