Því miður fellur endursýning á Silfri Egils niður í kvöld – vegna Vetrarólympíuleikanna.
Þeir sem vilja sjá þáttinn geta horft á netinu.
Ég vek sérstaka athygli á viðtölum við John Christensen, baráttumann gegn skattaskjólum, Diana Wallis, varaforseta Evrópuþingsins, og Finnboga Vikar sem situr í nefnd um endurskoðun kvótakerfisins og setti í þættinum fram athyglisverðar málamiðlunartillögur.
Í fyrsta hluta þáttarins sátu í pallborði Guðfríður Lilja Grétarsdóttir, Ólafur Ísleifsson, Þór Saari og Guðni Th. Jóhannesson og ræddu meðal annars samningshorfur í Icesave, stöðu Íslands sem smáríkis sem kannski vantar vini og vanmátt stjórnmálamanna gagnvart því sem er að gerast í bönkunum.
Þáttinn má sjá með því að smella hérna.
John Christensen: Upphæðirnar sem velta um skattaskjól eru ótrúlegar og þau eru notuð bæði af litlum aðilum og stórum alþjóðafyrirtækjum. Það er almenningur sem borgar brúsann.
