Þegar maður sér listann yfir hina nýju stjórnarmenn Frjálshyggjufélagsins veltir maður því fyrir sér hvort frjálshyggja sé að einhverju leyti tengd hormónaframleiðslu líkamans.

Þarna eru bara karlmenn, nítján talsins, og ég held sé rétt hjá mér að þeir séu flestallir frekar ungir að aldri.

Það mætti jafnvel gera sérstaka rannsókn á þessu, frjálshyggja og hormónastarfsemi ungra karlmanna.

Eða hvar eru konurnar?

Frjálshyggjumennirnir koma til varnar auðmönnunum sem settu Ísland á hausinn. Varla hafa aðrir orðið til þess svo það er að vissu leyti vasklegt. Og manni vöknar um augu þegar maður les að hér sé nánast farið með auðmenn eins og gyðinga á tíma þriðja ríkisins.

Svo má jafnvel segja, eins og einn lesandi bendir á, að þessi stjórn sé hálfgert „bákn“. Nítján í stjórn, á fundi sem var ekki ýkja fjölmennur.