Meðal gesta í Silfrinu á morgun er John Christiansen. Eva Joly fjallar um hann í bók sem kom út fyrir jólin og nefnist Hversdagshetjur. Sú bók segir frá fólki sem leggur allt að veði í baráttunni gegn spillingu. John Christiansen gerðist eins konar njósnari í skattaparadísinni á Jersey til að geta skilið innanífrá hvernig slík starfsemi fer fram. Sögurnar sem hann segir um pappírsviðskipti og undanskot eru lyginni líkastar – og hann telur að við Íslendingar getum andað léttar að ekki tókst að breyta Íslandi í slíkt skattaskjól eins ýmsa dreymdi um.
