Eitt stórkostlegasta atriði heimildarmyndarinnar Maybe I Should Have er þegar bandaríski lögfræðingurinn og fjármálaeftirlitsmaðurinn William K. Black segir að það eigi að hæða Viðskiptaráð hvar sem til þess sést.
Black er ótrúlega skýr og greinargóður maður sem varð þekktur þegar hann rannsakaði málefni fallinna sparisjóða í Bandaríkjunum á níunda áratugnum, svokallað Savings & Loans Crises. Hann var gestur í Silfrinu síðastliðinn vetur.
En Viðskiptaráð er enn við sama heygarðshornið og á árunum þegar það svo gott sem setti lög á Íslandi; eða fullyrti ekki ráðið sjálft að Alþingi hafi farið eftir níutíu prósentum af tillögum ráðsins á árunum 2003 til 2006?
Hérna, á vef Láru Hönnu, má sjá Silfursviðtalið við William K. Black.
