Læknir sendi þessar línur:

— — —

„Nú hefur það loksins gerst sem maður hefur hálfpartinn verið að bíða eftir. Hið gríðarlega skuldsetta fyrirtæki DeCode orðið gjaldþrota. Í þessu tel ég að sé tækifæri fyrir Íslendinga að koma böndum yfir þetta fyrirtæki. Þetta er mjög mikilvægt ekki síst þar sem fyrirtækið gerir út á gagnagrunn byggðan á erfðaupplýsingum okkar.

Tel ég að skoða eigi möguleikann á því að Háskólinn, Ríkið og etv aðrir aðilar komi sér saman um að kaupa fyrirtækið. Þetta er mjög merkilegt fyrirtæki og Kári mikill frumkvöðull og ljóst er að fyrirtæki eins og þetta getur gert mjög merkilega hluti ef ekki er stanslaus krafa um hagnað/gróða. Fyrirtækið hefur skilað merkum vísindaniðurstöðum í virtustu tímarit læknisfræðinnar og tel ég að möguleikar sé miklir framundan. Mér líst illa á að risk-kapítalistar eignist félagið þar sem góð vísindi og kapitalismi fara ekki saman. Fyrirtæki sem starfar á non-profit grundvelli gæti verulega lífgað við hátæknisjúkrahúsið og háskólanna. Hins vegar má kljúfa út út fyrirtækinu anga sem annast markaðssetningu á afurðum sem kunna falla til og ljóst að möguleikar á alls kyns sprota fyrirtækjum þeirra sem búa til verðmætar afurðir eru fyrir hendi.“