Einu sinni var það svo á Vesturlöndum að það voru bara gengjameðlimir og fangar sem skörtuðu húðflúri á andliti og hálsi en það er löngu liðin tíð. Eftir því sem slíkt skraut hefur færst frá því að vera dæmi um frávik yfir í að vera samfélagslega samþykkt tjáningarform stökkva fleiri á vagninn. Fjölmargar þekktar stjörnur hafa kosið að tjá sig á þennan máta og látið flúra á sér hálsinn.
Söngkonan Pink var eflaust með þeim fyrstu til að láta flúra þennan líkamshluta en hún fékk sér strikamerki aftan á hálsinn að önnur plata hennar, Missundaztood, kom út árið 2001.
Leikkonan Hailey Bieber skartar fljölda lítilla flúra, þar á meðal á hálsinum. Þar skartar þessi strangtrúaða stúlka meðal annars krossi og í fyrra lét hún einnig merkja sig með setningunni „Lover.“
Breska söngdrottningin Adele skartar bókstafnum „A“ á hálsinum fyrir aftan hægra eyrað en það stendur ekki fyrir fyrsta bókstafinn í hennar nafni heldur sonarins, Angelo James.
Söngkonan Miley Cyrus er öll morandi í tattúum og lét merkja hálsinn á sér með fæðingarárinu „92“ en hún var fædd á því herrans ári 1992 sem er ár apans samkvæmt kínverska tímatalinu.
Fjöldi frægra frauka sem hafa látið flúra á sér hálsinn er mikill og meðfylgjandi eru myndir af nokkrum þeirra.
