Útvarpsmaðurinn Brynjar Már Valdimarsson sagði í dag að fólk gæti breytt klæðaburði sínum vildi það ekki að karlmenn eða perrar myndu horfa á þær. Þetta sagði hann í útvarpsþættinum Magasín sem er í umsjón hans og Ernu Dís Schweitz Eiríksdóttur.
Brynjar Már hélt því fram að rannsókn sýndi fram á að bikiní sem væru með hátt mitti myndu ekki fá jafn mikla athygli og önnur bikiní. Þá spurði hann Ernu hvort að henni þætti það „óeðlilegt að það sé horft“.
„Það var gerð rannsókn á því að ef þú villt ekki að karlmenn, eða „perrar“ séu að stara á þig á bikiníi, til dæmis í Nauthólsvíkinni eða í sundi eða hvar sem þú ert. Þá er best að vera í bikiní með hátt mitti. Það er víst eitthvað.“
Því svaraði Erna „Það er bara í tísku núna að vara í bikiníi sem er liggur við bara G-strengur,“
„Og finnst þér óeðlilegt að það sé horft?“ spurði Brynjar og Erna sagði að í rauninni væri búist við því.
„Svo elska sumir að láta góna svolítið á sig, en öðrum finnst það krípi,“ sagði Brynjar og að lokum sagði Erna ð sumum væri bara drullusama.