Leikarinn Danny Masterson hefur verið ákærður fyrir að nauðga þremur konum. The Guardian greinir frá. Hann er sagður hafa vakið ótta hjá þeim og beitt þær valdi þegar hann nauðgaði þeim. Danny er hvað þekktastur fyrir að leika Steven Hyde í That ‘70s Show á árunum 1998 til 2006.
Danny lék einnig eitt af aðalhlutverkunum í Netflix-þáttunum The Ranch en var rekinn í desember 2017, eftir að fjórar konur sökuðum hann um nauðgun. Hann neitaði öllum ásökunum á sínum tíma.
Leikarinn er í vísindakirkjunni og segjast þolendur hans hafa verið áreittir af kirkjunni eftir að hafa leitað til lögreglu vegna Danny.
Danny er ákærður fyrir að nauðga konunum á heimili sínu í Hollywood Hills á árunum 2001 til 2003. Á þeim tíma skein frægðarsól hans sem skærast fyrir hlutverk sitt í That ‘70s Show sem sló í gegn á FoxTV á sínum tíma.
Danny er ákærður fyrir að nauðga 23 ára konu árið 2001, 28 ára konu árið 2003 og 23 ára konu árið 2003. Ef hann verður fundinn sekur gæti hann átt yfir höfði sér 45 ára fangelsisvist.
Danny hefur verið giftir leikkonunni og fyrirsætunni Bijou Phillips síðan 2011.
