Tískan hefur breyst mikið síðastliðin ár. Raunveruleikastjörnur og áhrifavaldar gefa nú fatalínur í samstarfi með tískufyrirtækjum eins og Pretty Little Thing.
PLT er ein stærsta tískunetverslunin í dag en segir ein kona farir sínar ekki sléttar af fyrirtækinu. Hún segir að það sé eins og að skoða klám þegar hún er að versla á síðunni þeirra.
Rebecca Asson hefur verslað við PLT síðastliðin þrjú ár en hún segir að upp á síðkastið hefur fyrirtækið tekið nýja stefnu þar sem fyrirsæturnar stilla sér upp eins og þær séu í „ljósbláu klámi“ (e. soft porn).
Það má sjá eina fyrirsætu í appelsínugulum þröngum kjól með götum, hún er á fjórum fótum með rassinn upp í loft. Stelling sem er, að mati Rebeccu, vinsæl meðal klámstjarna.
Rebecca kvartaði yfir þessu á Facebook-síðu Pretty Little Thing. Hún sagðist hafa þurft að athuga hvort hún væri nokkuð óvart komin á klámsíðu þegar hún var að versla föt.
„Er ástæða fyrir því að mikið af fyrirsætunum ykkar séu í frekar óviðeigandi stellingum?“ Segir hún.
„Þetta var ekki alltaf svona og ég er bara að reyna að skilja hver átti hugmyndina að því að það ætti að gera fatakaup að óþægilegri upplifun. Það er ekki eins og ég geti séð hvernig fötin líta almennilega út þegar fyrirsætan er á hnjánum með útglennta leggi og það fyrsta sem ég sé er klof 60 prósent skiptanna. Ég móðgast ekki auðveldlega en þetta er bara óþarft. Af hverju þurfa líka berbrjósta fyrirsætur að selja gallabuxur?“
Í samtali við The Sun segist Rebecca vera hætt að versla við fyrirtækið.
„Fötin eru nógu ódýr, þú þarft ekki að nota kynlíf til að selja þau,“ segir hún. „Fötin eru fyrir konur, þannig af hverju er eins og myndirnar séu fyrir karlmenn?“
Hvað segja lesendur?
