Nýlega voru fluttar fregnir af því að leikkonan Júlíana Sara Gunnarsdóttir og þyrlu- og hljóðmaðurinn Andri Jóhannesson hefðu fellt hugi saman. DV fannst því tilvalið að rýna í stjörnumerki parsins og athuga hvernig það á saman.
Júlíana er krabbi en Andri er hrútur. Þegar að þessi tvö merki dragast að hvort öðru þá sannast hið forkveðna – að andstæður laðast að hvor annarri. Hrúturinn er frakkur og hvatvís en krabbinn er mjög viðkvæmur og tilfinningaríkur. Þegar hrúturinn sýnir tilfinningar á hann til að gera það á mjög ruddalegan hátt sem kemur krabbanum úr jafnvægi. Hrúturinn laðast hins vegar að viðkvæmni krabbans og finnst það gott mótvægi við eigin hispurslausu hreinskilni.
Það geta skapast vandamál í sambandi krabba og hrúts ef ofstopi hrútsins særir krabbann. Því verða bæði þessi merki að hlusta á þarfir hvort annars og skilja hve ólík þau eru í raun og veru. Aðeins þá ná þau klingjandi samhljómi.
Þótt merkin séu ólík eiga þau eitt sameiginlegt – þau vernda þá sem þau elska, hvað sem það kostar. Krabbinn notar sína þykku skel til að vernda ástvini sína og hrúturinn notar styrk sinn og hugrekki. Krabbinn getur stundum virkað of yfirgangssamur að mati hrútsins en hrúturinn þarf að gæta þess að fullvissa krabbann reglulega um að hann sé elskaður og það sé hlustað á tilfinningar hans.
Júlíana Sara
Fædd: 21. júlí 1990
krabbi
-hugmyndarík
-trygg
-fastheldin
-heillandi
-svartsýn
-óörugg
Andri
Fæddur: 22. mars 1981
hrútur
-hugrakkur
-ákveðinn
-öruggur
-hreinskilinn
-óþolinmóður
-hvatvís
