Aníta Rún er þriggja barna móðir, eiginkona og söngkona. Hún er bloggari á Lady.is og tók nýverið baðherbergið heima hjá sér í gegn.
Hún segir frá framkvæmdunum í færslu á Lady.is og birtir ótrúlegar fyrir og eftir myndir sem hún gaf DV góðfúslegt leyfi til að deila með lesendum.
„Það er frekar langt síðan baðherbergið varð svona semi tilbúið, það er ekki alveg fullklárað en það kemur að því. Það sem er að stoppa okkur er að klára að fá pípara og rafvirkja,“ segir Aníta Rún.
„Þetta blessaða baðherbergi tók svo sannarlega mun lengri tíma en við höfðum áætlað og þar af leiðandi töluvert dýrara. Það voru fimm mismunandi týpur af flísum inn á baðherbergi áður. Aðeins hluti af veggjunum var flísalagður, það var gat í veggnum, já GAT inn í hjónaherbergið,“ segir Aníta Rún.
Hún sýnir gatið og meira tengt framkvæmdunum á IGTV.
Aníta Rún fer yfir framkvæmdirnar og hvað var gert í færslunni á Lady.is sem er hægt að lesa hér.
Sturtuklefinn var fjarlægður og þau enduðu með að ákveða, eftir miklar vangaveltur, að vera með sturtubað. „Þau eru hærri upp og dýpri í leiðinni, sem er hentugt fyrir börn sem sulla vatni út um allt og þægilegra fyrir fullorðna að liggja í,“ segir Aníta Rún.
Sjáðu útkommuna hér að neðan.
