Niðurstaðan er skýr. Konurnar verða að sinna stærstum hluta heimilisstarfa á borð við þrif, þvott og skutl á börnum ef hámarka á líkurnar á að sambandið lifi af. Það eru aðeins 13 prósent líkur á að sambandið fari út um þúfur ef konurnar sinna 60 prósentum heimilisverkanna og maðurinn 40 prósentum.
Til samanburðar má nefna að það eru 23 prósent líkur á að sambandið fari í vaskinn ef maðurinn sér um 75 prósent heimilisstarfanna og 40 prósent líkur eru á að það fari út um þúfur ef maðurinn sér um öll heimilisstörfin.
