Konur eru eins misjafnar og þær eru margar. Sama á við um líkama þeirra og útlit. Það er ekki hægt að ganga út frá að allir líkamar bregðist eins við, eins og til dæmis meðgöngu. Óléttubumbur eru alls konar og getur verið stundum erfitt að bera sig ekki saman við glansmyndir samfélagsmiðla.

Brittany Williamson, móðir og áhrifavaldur, birti mynd af sér, eða í raun tvær myndir sem hún setti saman í eina. Myndirnar eru teknar sama daginn, en mikill munur er á bumbunni hennar. Hún skrifar með mjög áhrifamikinn texta sem barnshafandi konur, og bara allir sem glíma við líkamsímyndarvandamál, ættu að lesa.

https://www.instagram.com/p/B5QUmAegw4q/

„Sama kona, sama meðganga, sami dagur. Einu munurinn er sjónarhornið og hvernig ég held spennu í kviðnum. Af hverju er ég að deila þessari skrýtnu mynd? Til að minna ykkur á það sem þið vitið nú þegar. Allt sem fólk deilir á netinu er það sem það *vill* að þú sjáir. Það er oft ómögulegt að sjá hvað er raunverulegt og hverju er búið að breyta. Þannig hættið að bera saman óléttukúlurnar ykkar (eða líkamann og lífið líka) við einhvern á netinu. Ég átta mig á því að það er auðveldara sagt en gert, en þess virði að reyna,“ skrifar Brittany.

Instagram-síðan Maternity birti færslu Brittany og hafa samtals tæplega fjögur þúsund manns líkað við myndina.

Hvað segja lesendur, eigum við ekki að hætta að bera okkur saman við fólk á samfélagsmiðlum?