Barrie og Tony Drewitt-Barlow voru brautryðjendur á sínum tíma fyrir að vera „fyrstu samkynhneigðu pabbar“ Bretlands. Þeir byrjuðu saman fyrir 32 árum, en skildu fyrir stuttu. Þeir eiga saman þrjú börn og hafa verið mjög opnir um líf sitt. Til að mynda komu þeir fram í þáttunum My Weird & Wonderful Family sem má horfa á neðst í greininni.

Dóttir þeirra, Saffron Drewitt-Barlow, 19 ára, opnar sig um skilnaðinn á Instagram og tilkynnir heldur óvæntar fréttir í leiðinni.

Faðir hennar Barrie er byrjaður með fyrrverandi kærasta hennar, Scott Hutchison sem er helmingi yngri en hann. Scott er 25 ára og Barrie er 50 ára. Saffron segist vera hamingjusöm fyrir þeirra hönd.

„Ég vil þakka öllum fyrir skilaboðin eftir að það fréttist að foreldrar mínir væru að skilja. Ég vil að þið vitið öll að foreldrar mínir eru bestu vinir mínir og þó þeir séu ekki „opinberlega“ saman þá eru þeir enn bestu vinir og þykja vænt um hvorn annan,“ skrifar hún í færslu á Instagram.

„Varðandi samband mitt við Scott. Þá er kominn tími til að þið vitið að við vorum aldrei neitt meira en vinir. Scott sagði mér fyrir mörgum árum að hann væri samkynhneigður og ég samþykkti að halda því sem leyndarmáli með því að þykjast vera kærasta hans. Það er það eina! Scott er einn af bestu vinum mínum og ég er hamingjusöm að hann og pabbi geta loksins talað um samband sitt. Ég, bræður mínir og pabbi (e. dad) erum mjög hamingjusöm fyrir Scott og pabba (e. daddy) sem hugsar um veika pabba (e. dad) minn dag og nótt.“

https://www.instagram.com/p/B5Be7Yel48x/?utm_source=ig_embed

Barrie deildi færslu hennar á sínum samfélagsmiðlum og sagði að þó Tony væri hans „sanna ást“ þá hafa þeir vaxið í sundur síðustu ár og sváfu í sitthvoru herberginu. Eftir að Tony greindist með krabbamein árið 2006 hefur sambandið orðið meira „vinasamband“ heldur en rómantískt.

Fjölskyldan kom fram í þættinum My Weird & Wonderful Family árið 2010. Þú getur horft á þáttinn hér að neðan.