Gildir 25. til 31. ágúst
Hrútur
21. mars–19. apríl
Þú hefur verið að vanrækja heilsuna og andlegu hliðina undanfarið og færð það hressilega í bakið í vikunni. Ljósið í myrkrinu er að nú færðu rými til að endurskipuleggja lífið og hugsa betur um þig sjálfa/n.
Naut
20. apríl–20. maí
Það gengur ekkert í ástamálunum hjá einhleypum nautum og hugsanlega er komið að því að breyta aðeins til, kanna nýjar lendur. Skráðu þig á spennandi námskeið, eitthvað sem þig hefur lengi langað að gera en ekki þorað. Þú gætir kynnst nýju fólki sem kveikir í þér.
Tvíburar
21. maí–21. júní
Þú ert algjörlega knúsóð/ur og þráir nánd og kærleika í þessari viku, meira en vanalega. Lofaðir tvíburar einbeita sér því mikið að því að veita sínum heittelskuðu nánd. Einhleypir tvíburar eru hins vegar umluktir sátt við sig sjálfa og þurfa enga rómantík í lífið.
Krabbi
22. júní–22. júlí
Það er rosalega spennandi vika framundan og þér er boðið í gleðskap sem kemur virkilega mikið á óvænt. Það er langt síðan þú hefur skemmt þér svona vel og þú kynnist mörgu áhrifafólki sem getur hæglega breytt lífi þínu til hins betra.
Ljón
23. júlí–22. ágúst
Nú þarf ljónið smá hvíld. Það er búið að vera í partíi eftir partí síðustu vikur og það kemur ávallt sá tímapunktur að líkaminn segir stopp. Það þarf ekkert að vera slæmt, þótt ljónið hati að slappa af. Finndu þér streitulosandi áhugamál og njóttu þín.
Meyja
23. ágúst–22 .sept
Elsku meyjan mín, nú skalt þú losa þig við fólkið í lífinu þínu sem tæmir batteríin þín. Þú ert kröfuhörð en stundum sýnirðu aðeins of mikla linkind. Þú þarft að umkringja þig fólki sem gerir þig betri – ekki fólki sem dregur þig niður. Þú veist um hverja ég er að tala.
Vog
23. sept–22. okt
Einhleypar vogir eru í smá tilvistarkreppu. Þú hefur verið að vera að rembast eins og rjúpan við staurinn til að sjá það góða og fallega í manneskju sem þú ert að hitta. Þú hefur hunsað gallana og nú er komið að því að þú horfist í augu við þá.
Sporðdreki
23. okt–21. nóv
Það er einhver ævintýragirni í sporðdrekanum þessa dagana. Þú ert til í hvað sem er og kýst frekar að hoppa út úr boxinu en að halda þig innan línanna. Þetta á eftir að opna nýjan heim fyrir þér og þú færð að kynnast alveg nýrri hlið á þér – og öðrum.
Bogmaður
22. nóv–21. des
Bogmenn sem eiga maka eru að íhuga það alvarlega að fara í bisness með betri helmingnum. Það er virkilega góð hugmynd því tveir hausar eru betri en einn í þessu tilviki. Þið turtildúfurnar eigið eftir að skapa eitthvað geggjað saman. Þið verðið kannski ekki rík af því en mjög hamingjusöm.
Steingeit
22. des–19. janúar
Ef þú kemst í stutt frí frá vinnu í haust þá ættirðu að gera það. Það er eitthvað sem þig dauðlangar að gera erlendis í haust. Þetta er spennandi tækifæri og gæti orðið til þess að þú skiptir um starfsvettvang.
Vatnsberi
20. janúar–18. febrúar
Þú ert rosalega aðlaðandi þessa dagana. Það geislar af þér heilbrigði og hamingja svo tekið er eftir. Þú laðar að þér öðruvísi fólk en vanalega, en nú skaltu vara þig á einu – ekki láta fólk misnota góðmennsku þína og gleði. Allur er varinn góður.
Fiskar
19. febrúar–20. mars
Þú svífur um á ástarskýi. Þeir sem hafa verið lengi í sambandi finna neistann aftur og þeir sem eru enn í nýjabruminu njóta ástarinnar sem aldrei fyrr. Njóttu þess að svífa um á þessu kandíflossbleika skýi því það endist ekki að eilífu.
25. ágúst – Ævar Örn Jósepsson rithöfundur, 56 ára
26. ágúst – Gulli Helga fjölmiðlamaður, 56 ára
27. ágúst – Sjón skáld, 57 ára
28. ágúst – Hjálmar Hjálmarsson leikari, 56 ára
29. ágúst – Manuela Ósk Harðardóttir áhrifavaldur, 36 ára
30. ágúst – Karl Pétur Jónsson bæjarfulltrúi, 50 ára
31. ágúst – Örn Arnarson sundkappi, 38 ára
