Það hefur líklega ekki farið fram hjá neinum að eldur hafi eyðilagt ófá heimili í Norður Karólínu undanfarna daga. Staðfest hefur verið að um 30 manns hafi látið lífið og að enn eigi eftir að gera grein fyrir um 230 manns.
Staðan er því hræðileg og hafa margar af frægustu stjörnum heims vakið athygli á málinu, enda margar þeirra sem eiga sjálf heimili á svæðinu.
Miley Cyrus er ein af þeim en hún deildi með aðdáendum sínum á Twitter að hún, ásamt unnusta sínum Liam Hemsworth og gæludýr þeirra séu heppin að hafa sloppið lifandi.
„Gjörsamlega miður mín yfir eldunum sem hafa nú áhrif á samfélag mitt. Ég er ein af þeim heppnum. Gæludýr mín og ástin í lífi mínu komust út á lífi og það er það eina sem skiptir máli núna. Húsið mitt stendur ekki lengur en minningar okkar með fjölskyldu og vinum standa enn. Ég er þakklát fyrir allt það sem ég á eftir,“ sagði Miley og Metro greindi frá.
Eldarnir halda áfram að breiða úr sér og gera slökkviliðsmenn allt hvað þeir geta til þess að stöðva þá undir erfiðum kringumstæðum.
Heimili Gerard Butler brann einnig niður og birti hann nýlega mynd af sér í rústunum og hvatti fólk til þess að styrkja slökkviliðið. Fleiri stjörnur sem neyðst hafa til þess að flýja heimil sín eru meðal annars Lady Gaga, Kim Kardashian West og Martin Sheen.
