Íslenska kvennalandsliðið er í 13. sæti á nýjum heimslista FIFA sem hefur verið gefinn út.
Liðið fer upp um eitt sæti síðan síðasta útgáfa var gefin út og fer upp fyrir Ítalíu.
Þetta er í annað skiptið á þessu ári sem Ísland kemst í 13. sæti listans og er það besti árangur sem liðið hefur náð.
Næsta verkefni liðsins eru leikir gegn Noregi og Sviss í Þjóðadeildinni og fara báðir leikirnir fram hér á landi.
