Jack Grealish leikmaður Manchester City gerði sér glaðan dag á sunnudag en hann var illa áttaður þegar hann yfirgaf knæpu í Newcastle á sunnudagskvöld.
Grealish hafði þá verið að hella í sig allan sunnudaginn og virtist orðinn þreyttur.
Grealish hafði verið myndaður á stað rétt fyrir utan Newcastle snemma á sunnudag þar sem bjórinn kostar lítið.
Hann er þekktur glaumgosi í Bretlandi en rætt var um djammið hans á TalkSport í morgun.
„Hann fékk sér í glas þegar hann var í fríi, leikmenn City mættu ekki til æfinga fyrr en í morgun. Á fólk að sleppa því að gagnrýna Jack því hann átti frí,“ segir Jim White
Simon Jordan fyrrum eigandi Crystla Palace tók þá til máls og ræddi málið. „Jack er bara ungur maður með miklar tekjur og mikla athygli. Ef þetta hefur áhrif á frammistöðu hans þá má fólk hafa skoðun en ef það gerir það ekki þá má hann alveg skemmta sér.
„Það er got að fólk muni hvaðan það kom, knattspyrnumenn koma oft frá svona aðstæðum. Það er eitt að fá sér í glas og svo er annað að vera blindfullur.“
Jordan segir fólk ekki hafa áhuga á því góða sem Grealish gerir heldur aðeins því neikvæða.
„Ég hef séð hvað Jack Grealish gerir mikið fyrir unga stuðningsmenn, fólk sér það ekki og ekki þá hlið hans. Svona er samfélagið í dag, við höfum ekki áhuga á jákvæðum fréttum heldur bara þeim neikvæðu.“
@checkthefansreactions Talk sport reaction to Jack Grealish drunken night in Sunderland #fyp #followers➕ #jackgrealish #manchestercity #mcfc #talksport #foru #viral #trending #football #prem #championsleague ♬ som original – SpxMac
