Kona að nafni Eva Murati hefur fengið mikið hrós fyrir færslu sem hún birti á samskiptamiðla sína nú í vikunni.
Eva hefur lengi verið í fjölmiðlabransanum en hún fjallar um Meistaradeildina á Vizion Plus og Tring TV.
Eva er 29 ára gömul í dag en hún hefur starfað í bransanum í heil 12 ár og unnið sig upp stigann og er með yfir milljón fylgjendur á Instagram í dag.
Þessi ágæta fréttakona segist hafa verið lögð í einelti líkt og aðrar konur á sínum yngri árum sem þurfa svo sannarlega að taka á öðruvísi gagnrýni en karlmenn í sjónvarpi.
,,Ég byrjaði að vinna í sjónvarpi 17 ára gömul og var lögð í einelti af hrekkjusvínum á netinu“ sagði Eva í færslu sem vakti mikla athygli.
,,Ég lærði að virða sjálfa mig og hætti að leitast eftir samþykki annarra. Í dag þá eru ykkar orð þýðingarlaus fyrir mér.“
,,Því miður, annað en mennirnir þá eru konurnar lagðar í einelti fyrir minniháttar hluti eins og hvernig þær mála sig, hvernig hárið þeirra er og hvernir þær klæða sig.“
,,Ef það er ekki umræðuefnið þá hefur þetta fólk ekkert að segja um frammistöðuna eða vinnubrögðin í sjónvarpi.“
