Arne Slot, stjóri Liverpool, var engann veginn sáttur með sitt lið þrátt fyrir sigur á Girona í Meistaradeild Evrópu í gær.
Mohamed Salah skoraði eina mark leiksins af vítapunktinum og er Liverpool komið í 16-liða úrslit, en liðið er með fullt hús stiga eftir sex leiki í Meistaradeildinni.
„Við þurfum að gera betur ef ætlum okkur eitthvað í þessari keppni. Ég var ekki ánægður með frammistöðuna í kvöld. Við vorum alls ekki nógu ákveðnir þegar við töpuðum boltanum og þeir komust auðveldlega nálægt markinu okkar. Við höfðum nær enga stjórn,“ sagði Slot eftir leik í gær.
„Þetta lið getur valdið þér miklum vandræðum og þeir hafa sýnt það á tímabilinu. Ég vorkenni þeim eiginlega því þeir eiga að vera með fleiri stig í þessari keppni en þessi þrjú sem þeir eru með.“
Tíð Slot við stjórnvölinn á Anfield hefur farið frábærlega af stað en liðið er einnig með gott forskot á toppi ensku úrvalsdeildarinnar.
