HK hefur samið við varnarmanninn Hauk Leif Eiríksson út tímabilið 2027.
Haukur er 22 ára gamall, fæddur árið 2002, stór og stæðilegur. Hann er uppalinn FH-ingur en kemur til HK frá Þrótti Vogum þar sem hann hefur leikið undanfarin fjögur tímabil við góðan orðstír.
Haukur Leifur lék þar undir stjórn Hermanns Hreiðarssonar sem er nú tekin við þjálfun HK.
„Í samtali við Hemma þjálfara segist hann vera spenntur að sjá Hauk vaxa enda um mjög metnaðarfullan og harðduglegan leikmann að ræða,“ segir á vef HK.
