Knattspyrnuaðdáendur taka með sér ýmislegt á knattspyrnuvöllinn er þeir horfa á sitt lið eða sína menn spila leikinn.

Það eru þó fáir ef einhverjir sem eru eins og tveir ónefndir menn frá Argentínu sem styðja lið Racing þar í landi.

ESPN í Argentínu birti í raun stórfurðulega frétt í gær sem vakti verulega athygli en þar var rætt við þessa tvo einstaklinga.

Mennirnir mættu á leik Racing við Cruzeiro í Copa Sudamericana og sáu8 sína menn vinna góðan 3-1 sigur.

Annar maðurinn mætti með hauskúpu á leikinn sem vakti athygli ESPN en þetta var alls ekki bara einhver hauskúpa.

Um var að ræða hauskúpu afa mannsins sem ber nafnið Valentin Aguilera og var mikill stuðningsmaður Racing.

,,Þetta er afi minn, Valentin Aguilera. Hann var grjótharður stuðningsmaður Racing,“ sagði maðurinn við ESPN.

,,Ást mín tilheyrir Racing og afa mínum. Ég tek hann hvert sem ég fer.“