Þórhildur Sunna Ævarsdóttir, þingflokksformaður Pírata, segir að í ljósi sigurs Donald Trump í bandarísku forsetakosningunum sé mikilvægt að Íslendingar skoði inngöngu í ESB. Þetta kemur fram í myndbandi sem Þórhildur Sunna birti á Facebook-síðu sinni fyrir stundu.
„Aftur Trump…[hryllir sig]…þetta er rosalegt. Ég held að það hafi aldrei verið eins mikilvægt og nú að skoða hvort við viljum skoða inngöngu í Evrópusambandið. Fara í þjóðaratkvæðagreiðslu. Ég held að við þurfum að þjappa okkur upp að okkar nágranna og bandalagsþjóðum,“ segir Þórhildur Sunna.
Hún segist hafa miklar áhyggjur af því hvað kosning Trump þýði fyrir kvennréttindi um allan heim. „Hvað þetta þýði fyrir Palestínu, Úkraínu og lýðræðið.“
Segir hún því mikilvægt að halla sér að vinaþjóðum okkar til að tryggja að Evrópa verði ekki Trumpisma að bráð.
