Steven Gerrard stjóri Al-Ettifaq í Sádí Arabíu veit að starf hans er í hættu eftir slæm úrslit hans undanfarið.
Talið er að forráðamenn Al-Ettifaq skoði það að reka Gerrard úr starfi.
Stuðningsmenn liðsins eru farnir að láta í sér heyra en Gerrard ætlar að reyna að snúa þessu við.
„Eftir síðustu úrslit þá er ég meðvitaður um það að stuðningsmenn eru ósáttir. Ég verð að taka þá ábyrgð að laga það,“ sagði Gerrard.
„Þetta er það sem ég ætla að gera, berjast og laga úrslitin.“
