Erik ten Hag og Phil Parkinson áttu langt og gott spjall um helgina en þeir hittust á verðlaunahátíð á sunnudag.

Ten Hag fékk þar verðlaun frá blaðamannasamtökum Englands eftir að hafa unnið FA bikarinn með Manchester United.

Parkinson var einnig heiðraður á viðburðinum en hann fékk viðurkenningu fyrir að hafa komið Wrexham í þriðju efstu deild.

Wrexham er lið á mikilli uppleið og hefur farið upp um tvær deildir á aðeins tveimur árum.

Enskir miðlar segja að Ten Hag og Parkinson hafi náð mjög vel saman og spjölluðu saman í langan tíma á meðan þeir snæddu kvöldverð.

Ten Hag er mikið í umræðunni þessa dagana og er talinn vera undir pressu en hvað hann og Parkinson voru að ræða um nákvæmlega er óljóst.