Á fimmtudagskvöldið næsta, þann 10. október, bjóða Þróttarar allar Tólfur og alla stuðningsmenn Wales velkomna á Avis völlinn þar sem fer fram vináttuleikur Tólfunnar og stuðningsmanna velska landsliðsins.

Húsið opnar 20:00 og leikurinn verður flautaður á klukkan 21:00 af engum öðrum en Bestu deildar dómaranum Gunnari Oddi.

Í liði Tólfunnar verður einn vel þekktur fyrrum landsliðsmaður sem við lofum að muni gefa allt sitt í leikinn.

Frítt verður inn á leikinn og við hvetjum allt áhugafólk um lélega knattspyrnu en frábæra stemningu til þess að láta sjá sig.