Jamie Carragher sérfræðingur Sky Sports segir að Matthijs de Ligt miðvörður liðsins beri stóra ábyrgð á tapinu gegn Tottenham.

Hann fór yfir málið á Sky Sports í gærkvöldi og segir að De Ligt hafi gert sig sekan um stór mistök í fyrsta markinu.

„Ég hef tekið eftir þessu með De Ligt og í raun aðeins fleiri miðverði,“ sagði Carragher.

„Ég skil ekki af hverju hann fyllir ekki í svæðið, ég sé þetta svo mikið. Framherjinn er fyrir aftan hann og De Ligt á ekki að spá í honum, það er Lisandro Martinez sem á að klára það. Ef De Ligt færir sig yfir og lokar svæðinu, þá færir Martinez sig.“

„De Ligt horfir yfir öxlina, hann gleymir því að hann á að fara til hægri og loka svæðinu.“

„Þetta var frábært hlaup hjá Van der Ven en hann sér svæðið sem De Ligt hefði átt að loka.“