Eiginkona Kieran Trippier hefur svarað eiginmanni sínum og hefur sjálf ákveðið að taka giftingarhring sinn af og er einnig flutt út úr fjölskylduheimilinu.

Frá þessu greina enskir miðla en Charlotte sem er 35 ára gömul var bálreið eftir myndband sem birtist af Trippier á dögunum.

Trippier er enskur landsliðsmaður og leikmaður Newcastle en hann sást káfa á ungri stelpu á bar og rataði það myndband í fjölmiðla.

Greint er frá því að Charlotte, eiginkona Trippier, hafi tekið krakkana með sér en þau eiga saman þrjú börn.

Það sem fór mest í taugarnar á Charlotte er að Trippier sást án giftingarhringsins á djamminu og ákvað hún að svara á nákvæmlega sama hátt.

Útlit er fyrir að þetta hjónaband sé á endastöð en Charlotte hefur sent börnin í einkaskóla langt frá Newcastle þar sem Trippier er búsettur.

Glæsibýli hjónanna í Leafy Morpeth er einnig til sölu og eru litlar sem engar líkur á að þau sættist á næstunni.

Trippier fær gríðarlega vel borgað í Newcastle en hann er einn allra launahæsti leikmaður liðsins.