Paola Saulino fyrirsæta frá Ítalíu segir að það sé eðlilegt að Kyle Walker leikmaður Manchester City hafi fengið að fara aftur heim til sín, Annie Kilner hefur fyrirgefið honum framhjáhald.
Kilner eiginkona Walker hefur fyrirgefið eiginmanni sínum það að hafa haldið framhjá sér í enn eitt skiptið. Walker var hent út af heimili sínu um síðustu jól.
Kilner hefur tekið sér tíma í að hugsa málið en hefur nú ákveðið að fyrirgefa Walker og hleypa honum aftur heim. Kilner og Walker eiga fjögur börn saman en hún var ófrísk þegar hún sparkaði Walker út. Ástæðan var að Walker hafði barnað hjákonu sína í annað sinn.
Saulino segist hafa verið með nokkrum giftum leikmönnum í enska boltanum, konur fyrirgefi þetta alltaf.
„Ég vissi það að hún tæki hann aftur, karlmenn halda framhjá og þú getur fyrirgefið þeim,“ sagði Paolo.
„Walker er mættur aftur heim því það hentar öllum, fyrir börnin og fjölskylduna. Konan hefur miklu að tapa svo það er betra fyrir hana að fyrirgefa bara.“
„Konurnar þéna enga peninga, þær eru ekki í vinnu. Þegar það er haldið framhjá þeim þá fá þær vopn í hendurnar til að fá einhver völd.“
„Það þarf að fyrirgefa þeim þetta.“
Walker á tvö börn með Lauryn Goodman en eftir að fyrra barnið kom í heiminn slitu Walker og Kilner sambandinu um stutta stund.
Hún fyrirgaf Walker hliðarsporið og var það henni mikið áfall þegar í ljós kom að Walker hefði aftur farið af heimilinu til að girða niðrum sig.
