Úkraínumenn eru langt frá því að gefast upp í stríðinu við Rússland og í nótt sendu þeir fjölmarga sprengjudróna yfir landamærin, meðal annars til höfuðborgarinnar Moskvu. Ein kona í borginni er sögð hafa látist í sprengjuárás Úkraínumanna í nótt.

Rússnesk stjórnvöld segjast hafa skotið niður alls 144 dróna en margir komust þó á leiðarenda, samkvæmt frétt breska ríkisútvarpsins.

Eldur kom upp í stóru fjölbýlishúsi í Moskvu þegar sprengja lenti á byggingunni og eru nokkrar íbúðir í húsinu gjörónýtar. Árásirnar höfðu líka áhrif á flug til og frá Moskvu og var fjórum flugvöllum í borginni lokað.

Andrei Vorobyov, ríkisstjóri Moskvu, segir að eldur hafi komið upp í tveimur fjölbýlishúsum í borginni eftir að sprengjur lentu á þeim. 46 ára kona er sögð hafa látist í árásum Úkraínumanna og þrír til viðbótar eru særðir. Úkraínumenn hafa enn sem komið er ekki tjáð sig um árásirnar.

Rússar eru einnig sagðir hafa gert árásir á Úkraínu í nótt og segist úkraínski herinn hafa skotið niður 38 af 46 drónum sem Rússar sendu yfir landamærin, meðal annars til Kiev, Odesa, Kherson, Sumy, Kharkiv og Poltova.

Drones attacked the Moscow region. One person was killed. The attack was the largest since the beginning of the war

Ukraine overnight conducted the largest (according to the Russian Defense Ministry) drone attack on the Moscow region. A 46-year-old woman was killed when one UAV… pic.twitter.com/54rebgPNqV

— NEXTA (@nexta_tv) September 10, 2024

Putin promised to protect the Moscow region, but it turns out that the „special military operation“ has now reached the capital of russia.

How did this happen… pic.twitter.com/CoT7tB1yYv

— Maria Drutska 🇺🇦 (@maria_drutska) September 10, 2024