Enzo Maresca, stjóri Chelsea, segir að það sé ekki vilji Chelsea að selja leikmenn sem hafa leikið fyrir félagið allan sinn feril.

Maresca kennir reglum ensku úrvalsdeildarinnar um en leikmenn eins og Conor Gallagher og Trevoh Chalobah eru líklega á förum frá þeim bláklæddu í sumar.

Fjárlög á Englandi eru að neyða stórlið í efstu deild til að losa sig við leikmenn og segir Maresca að félagið þurfi að selja ákveðna leikmenn til að standast þau lög.

,,Þetta er ekki vandamál Chelsea, þetta eru reglurnar,“ sagði Maresca í samtali við blaðamenn.

,,Ég held að það sé ekki ætlun félagsins að selja leikmenn úr akademíunni en reglurnar neyðir lið til þess.“

,,Þetta tengist ekki bara okkur heldur öllum liðum í ensku úrvalsdeildinni, það er mjög leiðinlegt því leikmenn eins og Francesco Totti, hann var hjá Roma í 20 ár. Við elskum það í fótbolta.“