Fjölmiðlafyrirtækið Árvakur varð fyrir alvarlegri tölvuárás fyrr í dag. Vefurinn mbl.is og K100 liggja því niðri en unnið er að viðgerðum samkvæmt tilkynningu mbl.is á Facebook. Tilkynnt var um árásina rétt fyrir klukkan fimm í dag en vefurinn er enn rúmum tveimur klukkustundum síðar.
Jón Þórisson, forstjóri Fjölmiðlatorgs sem heldur úti dv.is, segir að allir hljóti að fordæma árás sem þessa. Árás á einn fjölmiðil sé árás á alla. Jón segir í stuðningsyfirlýsingu sem hann hefur sent framkvæmda- og ritstjóra Morgunblaðsins:
„Allir hljóta að fordæma fortakslaust að vegið sé úr launsátri að fjölmiðlun. Þetta nær engri átt en virðist vera nýr veruleiki. Við hann getur enginn sætt sig. Þrátt fyrir allt standa menn saman frammi fyrir svona ofbeldisverkum. Árás á einn fjölmiðil er árás á alla.“
