Jurgen Klopp knattspyrnustjóri Liverpool grátbiður stuðningsmenn Liverpool um að hætta að biðja Joe Gomez leikmann liðsins um að skjóta á markið.

Gomez er miðvörður að upplagi en hefur leyst hinar ýmsu stöður undanfarið í meiðslavandræðum Liverpool.

Í sigri á Southampton í enska bikarnum í gær lék hann á miðsvæðinu. „Conor er ekki hérna, Trent er ekki hérna. Núna er Joe Gomez að spila sem djúpur miðjumaður, það var magnað að sjá hann,“ sagði Klopp eftir leik.

Undanfarnar vikur á Anfield hafa stuðningsmenn kallað eftir því að Gomez láti vaða á markið en hann er ragur við það.

„Má ég biðja fólkið okkar um eitt, þetta er fyndið en látið drenginn í friði. Einn daginn mun hann skjóta, hann finnur það augnablik sjálfur.“

„Ef hann tekur skot langt frá marki af því að fólkið er að kalla eftir því. Þá verð ég reiður, en þvílíkur drengur. Alveg magnaður.“

Klopp brilliant here on Joe Gomez

“What a boy. What a game. Absolutely exceptional”…

As EVERYONE has been saying stop shouting “Shoot!”

Even the manager’s asking now pic.twitter.com/KBlsX5Exgt

— Sean Rogers (@Sean_Rogers) February 28, 2024