Aron Jóhannsson samdi við Val um helgina og gerði við félagið tveggja ára samning með möguleika á auka ári til viðbótar.

Aron verður 34 ára gamall á þessu ári en hann er á leið inn í sitt þriðja tímabil sem leikmaður Vals.

Breiðablik hafði lagt fram tilboð í Aron á dögunum, vildi félagið kaupa hann en það var ekki í boði á Hlíðarenda. Félagið bauð honum nýjan samning og Aron skrifaði undir.

„Þeir þrýstu þeim í að semja við einn besta leikmann deildarinnar. Er það svo slæmt?,“ sagði Viktor Unnar Illugason, sérfræðingur Dr. Football og hluti af þjálfarateymi Vals.

Jóhann Már Helgason segir umboðsmann Arons hafa spilað málið vel, sett áhuga Breiðabliks af stað með það markmið að fá nýjan samning á Hlíðarenda.

„Stjörnuleikur hjá umboðsmanni Arons Jó, það var núna eða aldrei að semja við hann og setti alla á tærnar.“