Í gögnum sem Football Leaks hefur birt kemur fram að Manchester United og Monaco hafi svo sannarlega farið í kringum reglurnar þegar Radamel Falcao kom á láni til United árið 2014.
Falcao kom á láni fyrir 5 milljónir punda en United ætlaði svo að greiða meira ef liðið kæmist í Meistardeildina.
Reglur í Frakklandi komu hins vegar í veg fyrir að slík klásúla væri í samningum.
Þannig gerðu félögin samning um æfingaleik og að United myndi borga þeim 3,5 milljónir punda. Æfingarleikurinn færi hins vegar ekki fram nema United kæmist í Meistaradeildina.
United náði sæti í Meistaradeildina en æfingarleikurinn fór aldrei fram en United greiddi upphæðina og náði þannig að komast í kringum reglurnar í Frakklandi.
Hvorki Monaco né United vilja svara fyrir þessar frétir um greiðslurnar vegna Falcao sem gerði lítið fyrir United.
